香港電台第二台三十週年全城慶祝日

晨早流流第一件事，竟然係諗元朗屋企有咩車最快到香港電台！可想然之我何其擔心搭車車程！世界係圓既，有好就有壞！希望盡快適應到啦！

十點半到港台，外面BillBoard係二台DJ們的「肉照」！突然覺得好自滿！自己作品放得咁大張！

門口見到已經好多人排隊，實Q哥哥唔比我入.多得彭仔帶我入去。
見到超B, Alex同 Angela排緊舞。無啦啦Alex跳跳下踏左隻腳上嗱巴上面。一心以為係舞步，點知原來係綁鞋帶==" 全場人O咗咀。哈哈！

今日幫超B同Alex化妝，指明要妖要爆！我唔擔心Alex, 中英混血皇子的輪廓真好，眼窩夠深！超B走韓仔路線，唔難！不過一定無我咁入型入格啦XD!!!

三點幾轉妝！加深了Alex的眼線，全黑眼影！好多人話Alex似Adam Lambert。的確，我自已都覺幾型=] 超B做韓仔，因為佢少少內雙眼皮，條粗眼線整Soft咗。唔勾尾會型啲！底妝時粉底再調白一度，感覺更好！Angela 本身自己已經化妝左個靚妝黎, 幫佢補埋個妝！整埋頭之後加埋超B襯既衫，成Team人勁Sharp!!

上台跳唱第一場！氣氛好好！台下觀眾個個叫哂嗌哂！聽到好多人讚佢地今日好型好靚。我內心微笑了：）
第二場跳之前，我手拎支噴髮膠補頭，補完後落到台下，先知原來是嘉賓明星的正式大Show!!! 第一次睇Show唔係揸住螢光棒，而係揸住噴髮膠@@仲有好多人見到我==" 失禮！
第二場跳得超好！好多人都大讚！Ella响台下超High! 仲特登上台獻花！

到最後大合照，簡直係大陣象！我見到好哂我喜歡的明星！無線三十週年台慶都無咁多人！明星門果然比面港台！

扲左二台三十週年的月曆同海報，沒想過自己同KAZAF團隊的作品可以响咁多地方見到！多謝你們給我那麼多機會。我會繼續努力！


祝香港電台第二台三十週年生日快樂！